 |
|
|
|
ALİYƏ QARAYEVA TİTULUNUN MÜDAFİƏSİNƏ HAZIRLAŞIR
İyunun 4-5-də Bakıda bədii gimnastika üzrə 17-ci Azərbaycan çempionatı keçiriləcək. Yarışda seniorlar və 1995-97-ci il təvəllüdlü 24 gimnast iştirak edəcək. Gimnastlar medallar uğrunda mübarizəni həm şəxsi çoxnövçülükdə, həm də ayrı-ayrı finallarda aparacaq.
Azərbaycanın hazırkı çempionu Aliyə Qarayevadır. O, ikinci dəfə öz titulunun müdafiəsinə hazırlaşır. Qarayeva Anna Qurbanovanı əsas rəqib sayır. Qurbanova çempionatda hələ ki yalnız ayrı-ayrı növlər üzrə qələbə qazanıb.
Bakı Gimnastika Məktəbi, Respublika Kompleks İdman Məktəbi və "Neftçi" klubundan başqa, yarışda "Spartak" və "Sərhədçi"nin idmançıları da iştirak edəcək. Gəncə və Masazır idman məktəblərinin gimnastları da Qala-konsertdə nümunəvi nömrələrlə iştirak edəcək.
Yarışlar saat 11.00-da başlanır
Məkan – Olimpiya İdman Kompleksi
Ünvan – Olimpiya küç., 7
Gediş – “Gənclik” metro stansiyası
|
| |
|
 |
