Hər il uşaqdan böyüyə hər kəsin səbirsizliklə gözlədiyi sehrli bir bayram var - Yeni il. Bu bayram uşaqlar üçün xüsusilə seçilir. Yeni il hədiyyələr, ulduzlarla dolu bir gecə və bəzən böyüklər tərəfindən unudulmuş o nağıl dünyasının canlanmasıdır. Azərbaycan Gimnastika Federasiyası olaraq bu bayram ərəfəsində uşaqlar üçün yenidən o nağıl dünyasını canlandırırıq.

27 dekabrda Milli Gimnastika Arenasında keçiriləcək “Şelkunçik” adlı əyləncəli Yeni il şousunda Klara və Şelkunçik ilə birlikdə sehrli və macəralarla dolu fantastik dünyaya səyahət edəcəyik. Onlarla birlikdə dörd möhtəşəm diyarda unudulmaz anların şahidi olacağıq.
Gəlin, Klara ilə birlikdə sehrli dünyalara yelkən açaq!

Əyləncəli şouda uşaqları sürprizlər və hədiyyələr də gözləyir.
Biletləri iticket.az saytından və şəhərin kassalarından əldə edə bilərsiniz.
Biletlərin qiyməti yerlərdən asılı olaraq 12 və 15 manat təşkil edir.

Tarix: 27 dekabr, saat 18:00
Məkan: Milli Gimnastika Arenası