Gimnastika növünün ən zərif nümayəndələri bu dəfə 9-11 dekabr tarixlərində Milli Gimnastika Arenasında keçiriləcək 29-cu Bakı çempionatı və birinciliyində qüvvələrini sınayacaqlar.
Yarışda "Ocaq Sport" Klubu, İxtisaslaşdırılmış Olimpiya Ehtiyatları Uşaq-Gənclər Gimnastika Məktəbi (BGM), Respublika Kompleks İdman Məktəbi, "Grasiya" İdman Klubu, Sərhədçi Olimpiya İdman Mərkəzi, Şağan Olimpiya İdman Kompleksini təmsil edən gimnastlar paytaxtın ən güclüsü adı uğrunda mübarizəyə qoşulacaqlar.
Yarışda idmançılar balacalar (2014-2016-cı il təvəllüdlülər), yeniyetmələr (2011-2013-cü il təvəllüdlülər) və gənclər (2010-2011-ci il təvəllüdlülər) yaş kateqoriyalarında mübarizə aparacaqlar. 

Üç gün davam edəcək yarışda qaliblər yaş qruplarına müvafiq olaraq fərdi çoxnövçülük və ayrı-ayrı alətlər üzrə müəyyənləşəcək.

Yarışlar haqda məlumatlar mütəmadi olaraq www.agf.az saytında yenilənəcək.

Yarışlar 9-10 dekabr saat 10:00-da, 11 dekabr saat 12:00-da başlayacaq.

Ünvan: Milli Gimnastika Arenası
Heydər Əliyev prospekti 178