Aerobika gimnastikası üzrə 8-ci Ölkə birinciliyi, Bakı çempionatı və Bakı birinciliyi
Yarış haqqında
Milli gimnastika yarışlarımız davam edir.
8 və 9 noyabr tarixlərində Heydər Əliyev adına İdman Konsert Kompleksində aerobika gimnastikası üzrə 8-ci Ölkə birinciliyi, Bakı çempionatı və Bakı birinciliyi keçiriləcək.
Aerobika gimnastikası üzrə yarışlarda “Ocaq Sport” klubu və Sumqayıt OİK-dən 76 gimnast medallar uğrunda mübarizə aparacaq.
İdmançılar uşaqlar (2013-2015), yeniyetmələr (2009-2011-ci il) və gənclər (2006-2008-ci il il) yaş kateqoriyalarına uyğun olaraq fərdi və üçlük proqramda çıxış edəcəklər.
İdmançılarımız bu dəfə gimnastikasevərlər üçün musiqinin hər notuna uyğun ahənglə güclərini, sürətlərini və çevikliklərini sərgiləyəcəklər.
Siz də aerobikanın sehrli dünyasına qərq olmaq və estetikanı ruhunuzda hiss etmək istəyirsinizsə, bu yarışı qaçırmayın.
Ünvan: Heydər Əliyev adına İdman Konsert Kompleksi, Abbas Səhhət küçəsi, 2
Əlaqə: +994 12 465 22 74