BATUT GİMNASTİKASI VƏ TAMBLİNQ ÜZRƏ AZƏRBAYCAN VƏ BAKI BİRİNCİLİYİ, BAKI ÇEMPİONATI 

7 noyabr tarixində Milli Gimnastika Arenasının köməkçi zalında batut gimnastikası və tamblinq üzrə  Azərbaycan və Bakı Birinciliyi, Bakı Çempionatı keçiriləcək. 2013-cü ilin sonundan ölkəmizdə inkişaf etməyə başlayan batut gimnastikası üzrə çempionat və birincilik ilk dəfə keçiriləcək. Tamblinq üzrə belə növ yarış isə sayca 10-dur.

Turnirdə ümumilikdə Bakı Gimnastika Məktəbi, “Neftçi” və “Ocaq” idman klubunu təmsil edən 46 idmançı iştirak edəcək.

Yarışlar tamblinq cığırı üzərində çıxışlarla başlanacaq. Kişilər öz güclərini “böyüklər” (1998-ci il təvəllüdlülər və daha böyüklər), “yeniyetmələr” (2002-2005) və “balacalar” (2006-2007) üzrə yaş kateqoriyalarında sınayacaqlar. Qadınlar arasında isə yarışlar “balacalar” yaş qrupunda keçiriləcək.

Fasilədən sonra yarışlar batut üzərində valehedici çıxışlarla davam edəcək. Tamaşaçılar “böyüklər” (1998-ci il təvəllüdlülər və daha böyüklər), “uşaqlar” (2005-2006) və “kiçiklər” (2007-2010) yaş qruplarına daxil olan kişi gimnastların çıxışlarını izləyəcəklər.  Qadınlar arasındakı yarışlarda isə “böyüklər” (1998-ci il təvəllüdlülər və daha böyüklər), “balacalar” (2002-2004) və “kiçiklər” (2007-2010) yaş qruplarında yer almış idmançılar iştirak edəcək.  

Bakı 2015 ilk Avropa oyunlarının bürünc medalçısı İlya Qrişunin, finalçısı Svetlana Makştarova və Oyunların iştirakçıları Oleq Piunov və Sabina Zaytseva da batut üzərində öz ustalıqlarını nümayiş etdirəcəklər.

Yarışların başlama vaxtı: 12:00-da

Keçirilmə yeri: Milli Gimnastika Arenasının köməkçi zalı

Ünvan: Bakı şəh., Heydər Əliyev prospekti, 108

Keçid: “Koroğlu” metro stansiyası

PROQRAM

7 noyabr 2015-ci il

12:00-12:35       Tamblinq cığırında çıxışlar, Qrup 1: 

         kişilər       böyüklər (1998-ci il təvəllüdlülər və daha böyüklər)

                         yeniyetmələr (2002-2005-ci il təvəllüdlülər)   

       qadınlar      balacalar (2006-2007-ci il təvəllüdlülər)  

12:35-12:50       Fasilə

12:50-13:20       Tamblinq cığırında çıxışlar, Qrup 2:

         kişilər       balacalar (2006-2007-ci il təvəllüdlülər)

13:20-13:25       Nümunəvi çıxışlar     

13:25-13:45        Açılış mərasimi və tamblinq üzrə mükafatlandırma mərasimi

13:45-14:20       Fasilə

14:20-14:40       Batut üzərində çıxışlar, Qrup 1:

          kişilər     uşaqlar (2005-2006-ci il təvəllüdlülər)

       qadınlar     balacalar (2002-2004-cü il təvəllüdlülər) və

                        kiçiklər (2007-2010-cu il təvəllüdlülər)

14:40-14:55       Fasilə

14:55-15:15       Batut üzərində çıxışlar, Qrup 2:

          kişilər      kiçiklər (2007-2010-cu il təvəllüdlülər)

15:15-15:35        Fasilə

15:35-15:55       Batut üzərində çıxışlar, Qrup 3:

         kişilər       böyüklər (1998-ci il təvəllüdlülər və daha böyüklər)

      qadınlar       böyüklər (1998-ci il təvəllüdlülər və daha böyüklər) 

15:55-16:10       Nümunəvi çıxışlar        

16:10                Batut gimnastikası üzrə mükafatlandırma və bağlanış mərasimi