4–6 dekabr tarixlərində Milli Gimnastika Arenasında bədii gimnastika üzrə “Qış nağılı” adlı beynəlxalq turnir keçiriləcək. Qış mövsümünə xüsusi rəng qatacaq bu yarış müxtəlif ölkələrdən olan gənc gimnastları bir araya gətirəcək.

Turnir çərçivəsində gimnastlar öz məharətlərini nümayiş etdirərək zəriflik, çeviklik və bədii ifadə imkanlarını birləşdirən maraqlı çıxışlarla tamaşaçıların qarşısına çıxacaqlar. Qışın sehrli ab-havasında keçiriləcək yarış idmanın gözəlliyini və gimnastikanın özünəməxsus estetik dünyasını nümayiş etdirmək üçün gözəl fürsət yaradacaq.

“Qış nağılı” beynəlxalq turniri xarici ölkələrin gimnastika federasiyalarının, klubların və yerli gimnastika ictimaiyyətinin iştirakı ilə gimnastların təcrübə mübadiləsinə, bacarıqlarını inkişaf etdirməsinə və beynəlxalq arenada özlərini göstərməsinə şərait yaradacaq.

Sizi qışın sehrli ab-havasını bizimlə bölüşməyə dəvət edirik! Gimnastlarımızın zərifliyi, məharəti və nağılvari çıxışları ilə yadda qalacaq bu turnirə qoşulun, “Qış nağılı”nın sehrli dünyasının bir parçasına çevrilin!

Tarix: 4-6 dekabr
Məkan: Milli Gimnastika Arenası