Məktəblilərin Respublika İdman Olimpiadasına start verilir!

Elm və Təhsil Nazirliyi və Gənclər və İdman Nazirliyinin birgə təşkilatçılığı, Bakı Şəhər Halqası Əməliyyat Şirkəti və müvafiq idman federasiyalarının dəstəyi ilə ölkədə ilk dəfə Məktəblilərin Respublika İdman Olimpiadası keçiriləcək.

Olimpiada məktəblilər arasında idmanın inkişafı, sağlam həyat tərzinin təşviqi, fiziki hazırlığın yüksəldilməsi və istedadlı gənclərin üzə çıxarılması məqsədi daşıyır.

Olimpiada çərçivəsində bədii gimnastika üzrə yarışlar 22 və 23 iyun tarixlərində Bakı Olimpiya İdman Kompleksində keçiriləcək.

Tarix: 22 və 23 iyun
Məkan: Bakı Olimpiya İdman Kompleksi