Azərbaycan Gimnastika Federasiyasının baş katibi Nurlana Məmmədzadə Bakıda start götürən idman gimnastikası üzrə Dünya kubokunun açılış mərasimindən sonra jurnalistlərə açıqlama verib.

- Dünya kuboku idmançılar üçün Paris Olimpiadasına lisenziya baxımından böyük əhəmiyyət kəsb edir. Ümumilikdə 300-ə yaxın idmançı bu turnirdə mübarizə aparır. Gimnastımız Nikita Simonov da bu yarışlarda çıxış edəcək. Bundan öncə keçirilən turnirlərdə o, 45 idmançı arasında halqalar ilə çıxışda 1-ci yeri tutub. Ümid edirik ki, Almaniyadakı uğurlu çıxışını Bakıda, yerli publika önündə davam etdirəcək. İvan Tixonov və digər gənc idmançılarımız da mübarizə aparacaqlar.