Bakı Olimpiya İdman Kompleksində keçirilən 28-ci Bakı çempionatının iştirakçısı, "Ocaq Sport" klubunun 8 yaşlı yetirməsi Fərəh Həsənova yarışla bağlı təəssüratlarını bölüşüb:
Yarışın ilk günü alətsiz proqramımı və lentlə kompozisiya təqdim etdim. Çıxışım kifayət qədər yaxşı oldu. Bu gün gürzlərlə çıxış edəcəyəm. Ümid edirəm ki, çıxışımı qüsursuz yerinə yetirəcəyəm. Bakı çempionatı yüksək səviyyədə keçir. Bakı Olimpiya İdman Kompleksində çıxış etmək mənim çox xoşuma gəlir. Yarışda izləyicilər bizi hərarətlə dəstəkləyirlər.