Bədii gimnastika üzrə ustad dərsi keçmək üçün Bakıya gələn Fani Piqnitski ilə müsahibəni sizə təqdim edirik.

Ustad dərsi haqqında nə deyə bilərsiniz?
- Bu ustad dərsini uzun müddət idi ki, gözləyirdim. Bu mənim üçün çox vacib idi. Burada məni çox böyük qonaqpərvərliklə qarşıladılar. Düşünürəm ki, bu dərs hər kəs üçün maraqlı olacaq.

Bu dərs nələri əhatə edəcək?
- İştirakçılara öz biliklərimi öyrətməyə çalışacağam və eyni zamanda yeni qaydalar dövrünə də xüsusi diqqət ayıracağam. Peşəkarlığımızı getdikcə daha da yüksəltmək lazımdır.

Yeni Olimpiya dövrünün qaydaları sizə əvvəlkindən daha çətin görünür?
- Düşünürəm ki, qaydaların müəyyən hissəsi daha çətinləşib, lakin bəzi qaydalar asanlaşıb. Şəxsi fikrimcə, risklər və icra çətinlikləri bir az mürəkkəbləşib. Amma düşünürəm ki, öhdəsindən gələ biləcəyəm.

Azərbaycanda olmaq xoşunuza gəlirmi?
- Burada olmaq çox maraqlıdır. Əvvəllər yalnız yarışlarda iştirak üçün gəlmişdim. İndi isə şəhəri gəzmək fürsətim də oldu. Bu mənim üçün xüsusi bir proqram idi. Arena isə möhtəşəmdir. Burada məşq etmək üçün çox rahat şərait var. Daha yaxşısını bacarmaq üçün lazım olan hər şey mövcuddur.