"Bakıda batut gimnastikası üzrə Dünya Kubokuna hazırlıq sürətlə davam edir".

Bu sözləri Trend-ə batut gimnastikası üzrə Azərbaycan komandasının baş məşqçisi Vladimir Şulikin bildirib.

Baş məşqçi deyib: "Bütün gücümüzlə yarışa hazırlaşırıq. Bizim üçün ikiqat məsuliyyətdir, çünki bu Kubok 2020-ci ildə Tokio Yay Olimpiya Oyunlarına təsnifat xarakterli yarışdır. Biz bütün səylərimizi ortaya qoyacağıq".

V. Şulikin hesab edir ki, rəqabət çox güclü olacaq, çünki bu Kubokda dünya çempionları mübarizə aparacaq.

Baş məşqçi qeyd edib ki, Azərbaycan idmançılarının əsas rəqibləri Rusiya, Çin, Belarus və Yaponiya gimnastlarıdır:

"Ancaq bizim ən başlıca rəqiblərimiz özümüzük. Psixoloji gərginliyi həll edə bilsək, yaxşı nəticə qazanarıq".

Daha sonra V. Şulikin Milli Gimnastika Arenasında yaxşı şərait yaradıldığını vurğulayıb:

"Bakıya gələnlərin hər kəs buradan müsbət təəssüratlarla gedir və yenidən qayıtmaq istəyirlər".