Bu günlərdə Meksikanın bədii gimnastika üzrə yığma komandası, Bakıda - Milli Gimnastika Arenasında təlim-məşq toplanışlarına qatılıblar. Latın amrekilalıları qarşıda – İzmirdə keçiriləcək Dünya Çempionatı daxil olmaqla, Panamerikan Oyunları və Nantszin şəhərində keçiriləcək Gənclər arası Oyunlar  gözləyir. Meksika yığma komandasının məşqçisi Olqa Lebedyanskaya paytaxtımız haqda təəssüratlarını öz müsahibəsində azersport.com saytı ilə bölüşüb.

Bildiyimiz qədər, bu sizin Azərbaycana ilk səfərinizdir, ümumi təəssüratlarınız necədir?
Azərbaycan gimnastlarının məşq şəraitləri haqda xoş sözlər eşitmişdim, ona görə də gəlib hər şeyi öz gözlərimlə görmək istədim. Bəzi şeylər məni heyrətləndirdi – 11 xalça üzərində məşq edərək gimnastlar, nəinki proqramı yerinə yetirir, həmçinin onlar yeni elementləri də mənimsəyirlər. Bundan başqa, Azərbaycan yığma komandasının baş məşqçisi Mariana Vasilevanın, gimnastlarda həyəcanı dəf edib, onlara daha çox əminlik verərək öz işinə yanaşma üsulu da məni heyrətləndirdi.

Bu nədən ibarətdir?
Azərbaycan komandasının çox sayda proqon etməsi məni heyran etdi. Gimnastlar da bunu məmnuniyyətlə yerinə yetirirlər, çünki, Vasilevanın üsulu onlara bu yükü düzgün paylamağa imkan verir. Bu proqonlar gimnastlara yarışlardakı şəraiti daha yaxından hiss etdirir və psixoloji olaraq yarış üçün hazırlayır. Təbii ki, bütün bunlar gimnastlara yarışlarda daha əminliklə çıxış etməyə kömək olur. Bu üsul mənim çox xoşuma gəldi.