İşərişəhərdə şəhər divarlarının arxasında yerləşən saray Bakının ən qədim simvollarından biridir. XV əsrdə tikilmiş bu saray, Şirvanşahlar dövründə paytaxt Bakıda bir neçə ən yaxşı qədim binadan biri sayılırdı. 2000-ci ildə YUNESKO-nun Dünya İrsi Saytlar siyahısına daxil edilib.

Qız qalası

Qız Qalası sirr və əfsanələrlə dolu bir abidədir. Bakının ən möhtəşəm abidəsi İçəri Şəhər qalasının cənub-şərq hissəsində yüksəlir. Azərbaycan memarlığının bu bənzərsiz abidəsinin Şərqdə heç bir analoqu yoxdur. Bakının simvolu 2000-ci ilin dekabr ayında UNESCO-nun Dünya Mədəni İrsi siyahısına daxil edilmişdir.

Tarix Muzeyi

Milli Azərbaycan Tarixi Muzeyinin yerləşdiyi bina məşhur sahibkar, xeyriyyəçi Hacı Zeynal Abdin Tağıyevin və ailəsinin yaşayış evi olub. Bakı şəhərinin baş memarı olmuş İosif Vikentyeviç Qoslavskinin (1865-1904) layihəsi əsasında inşa edilən Tağıyev sarayı Bakının ən gözəl binalarından biridir. 

Bulvar

Bulvar Bakının mütləq görülməyə dəyər məkanıdır.Həmçinin Dənizkənarı Milli Park kimi tanınır və bir çox paytaxt sakinləri və qonaqların sevimli gəzinti yeridir. Onun yaradılması tarixi 100 ildən də əvvələ gedib çıxır. Qonaqlar şəhərin gözəlliyi və işıqlandırma sistemi, gözəl landşaft dizaynı, kölgəli xiyabanlar, rahat kafeləri, uşaqlar və böyüklər üçün çoxlu əyləncə və oyun zallarına heyran qalır.

Atəşgah

Çox zaman "Bakının Od məbədi" adlandırılan Bakı Atəşgahı Suraxanı qəsəbəsində qalaya bənzər dini məbəddir. Fars və hind kitabələrinə əsasən məbəd hindli və zərdüştilər tərəfindən səcdəgah kimi istifadə edilmişdir. 

Heydər Əliyev Mərkəzi

Heydər Əliyev Mərkəzi müasir Bakının imicini təmsil edən əzəmətli bir binadır. Binaya məşhur memar Zaha Hadid dizayn vermişdir və müasir memarlıq abidələrindən biri olan bu binanı həqiqətən görməyə və içərisini gəzməyə dəyər. 

Qobustan 

Qobustan tarixi 40000 il əvvələ gedib çıxan qayaüstü rəsmləri ilə məşhurdur. Bu yer Azərbaycanda insanların ilkin məskən saldığı məkanlardan biri hesab olunur. Bu qədim yerdə siz qədim insanların ov və rəqs səhnələri, dülgərlik kimi fəaliyyətlərini və qayalar üzərində heyvan rəsmlərini görə bilərsiniz. 

Yanar Dağ

Yanar Dağ Bakıdan 25 km şimalda yerləşir. Buranı ziyarət etmək üçün ən maraqlı səbəb odur ki, dağ davamlı olaraq yanır və heç vaxt sönmür. Alov torpağın altındakı qaz ehtiyatlarından gəlir və onu yandırmaq üçün heç bir borudan istifadə eilməyib.

Bibi-Heybət məscidi

Bakı buxtasının aşağı cənub hissəsinə yollandıqda Bibi-Heybət məscidini nəzərdən qaçırmaq mümkün deyil; ənənəvi dalğavari, sinklənmiş dəmir formalı köhnə məscid və iki minarənin yanında üç qübbəli, müasir üslubda bərpa edilmiş məscid Şirvan memarlıq məktəbinin klassik nümunəsidir. 

Azərbaycan Xalça Muzeyi

Azərbaycan Xalça Muzeyində Azərbaycan xalçaçılığının müxtəlif dövrlərə aid toxuculuq texnikaları və materialları nümayiş etdirilir. Yarandığı zaman xalçaçılıq sənətinə həsr edilmiş yeganə muzey olub. Latif Kərimov adını daşıyan muzey dünyada ən böyük Azərbaycan xalça kolleksiyasına malikdir.