Təlim-məşq toplanışı üçün Azərbaycana gələn Özbəkistanın Nəməngan vilayətinin İxtisaslaşdırılmış Uşaq-Gənclər Məktəbinin batut gimnastikası üzrə məşqçisi Şövkət Canibəkovla müsahibəni sizə təqdim edirik. 

Təlim-məşq toplanışı haqqında nə deyə bilərsiniz?
- Hər şey çox yaxşıdır. Qonaqpərvər qarşılama üçün təşəkkür edirəm. Burada yaxşı məşqçilər, idmançılar var. Demək olar ki, gimnastika üzrə ən yaxşı şərait buradadır. 

Hal-hazırda burada neçə idmançı ilə məşq edirsiniz?
- Cəmi 5 nəfər var, onlardan üçü Dünya çempionudur. Bizim ikiqat çempionlarımız da var. Onlar gələcək Dünya kuboku üçün hazırlaşırlar.

Gimnastika Özbəkistanda nə dərəcədə inkişaf edib?
- Bizdə hər şey çox yaxşıdır. Tamblinq və batut gimnastikası üzrə Dünya çempionlarımız var. 

Yeni dövrdə qaydalar nə dərəcədə çətinləşib?
- Biz dəyişikliklər üzrə müzakirələr edirik. Qarışıq cütlüklər üçün yarışa hazırlaşırıq. Tamblinq üzrə yeni qaydalar əlavə olunub. Yenidən təkrarlanan elementlərin qadağan edilməsi ilə bağlı qaydalar da var.

Qarışıq cütlük üçün hazırlıqlar çətindirmi?
- Mən düşünürəm ki, buna öyrəşmək lazımdır. Çətin deyil, amma çalışmaq lazımdır.

Milli Gimnastika Arenasına ilk gəlişinizdir?
- 2017-ci ildə burada Dünya kuboku mərhələsində iştirak etmişdim. Məşqçi olaraq isə ilk dəfədir gəlirəm.