Akrobatika gimnastikası üzrə Ukrayna milli komandasının baş məşqçisi Yuri Qolak ilə müsahibəni sizə təqdim edirik.

Zəhmət olmasa, özünüzü təqdim edin.
- Mən Yuri Qolak, Ukraynanın akrobatika gimnastikası üzrə milli komandasının baş məşqçisiyəm.

Təlim-məşqləriniz necə keçir?
- Dünya kubokuna qədər 10 günlük məşq prosesimiz var. Burada olmaqdan çox xoşbəxtik, şərait mükəmməldir. Azərbaycan Gimnastika Federasiyasına hər şey üçün, dostluğumuz üçün təşəkkür etmək istəyirəm.

Bakıya ilk səfərinizdir?
- Xeyr, ilk səfərim deyil. Mən 2019-cu ildə də Bakıda olmuşam.

Arenamızı bəyənirsiniz?
- Arena çox gözəldir, burada lazım olan hər bir şey var, bütün şərait yaradılıb. Yaxşı məşqlər keçmək üçün hər bir imkanımız var.

Akrobatika gimnastikası sizin üçün nə ifadə edir?
- Mənim üçün akrobatika gimnastikası həyat deməkdir. Mən bu idman növü ilə doğulmuşam. Valideynlərim də məşqçi olublar. Atam 20 il məşqçi işləyib, indi isə mən bu yoldayam.