İdman gimnastikası üzrə Albaniyanın qadınlardan ibarət yığma komandasının məşqçisi Jeni Kosi ilə müsahibəni diqqətinizə təqdim edirik.
Zəhmət olmasa Azərbaycanın paytaxtında keçdiyiniz təlim-məşq toplanışından danışardınız.
- Biz burada olmaqdan çox məmnunuq. Bura gözəldir. Bu, bizim üçün gerçəkləşən bir xəyal kimidir. Dəvət üçün Azərbaycan Gimnastika Federasiyasına (AGF) təşəkkür edirik.
Burada hər hansı bir yeniliyi öyrəndinizmi?
- Biz burada yeni elementlər öyrəndik. Əlbəttə ki, onları burada etmək çox asandır çünki bunları məşqçilər bizə öyrədirlər. 
Məşqçilərimiz haqqında nə deyə bilərsiniz?
- Hamısı çox mehribandır, bizimlə çox yaxşı rəftar edir və müzakirə edirlər. Mən bunu bəyənirəm.
Zəhmət olmasa bizə burada təlim-məşq toplanışında iştirak edən komandanız haqqında məlumat verərdiniz.
- Buradakı təlim-məşq toplanışımız on gün olacaq. Sentyabrda Balkan çempionatında iştirak edəcəyik. Burada 11 nəfərik: 3 məşqçi və gimnastlar.
Arenanı bəyənirsinizmi?
- Gördüklərimin ən yaxşısı, gözəli və böyüyü məhz buradadır. Burada digər gimnastika növlərinin idmançıları da məşq edirlər. Yaxşı məşqçiləriniz və zalınız var.
Artıq şəhəri gəzmisinizmi?
- Bəli, gəzmişik. Bu fürsətə görə federasiyaya minnətdaram. Gözəl evlər gördük, eləcə də ətraf mühit çox təmiz idi. Bir gün bura dostlarımla gələcəyəm.