Bakıda Azərbaycan Gimnastika Federasiyasının təşəbbüsü ilə "Gimnastikasının növləri üzrə hazırlıq mərhələsinin metodikası və məzmunu" mövzusunda üçgünlük seminar təşkil edilib.

Seminarda gimnastikanın növlərinin beynəlxalq səviyyədə inkişaf tendensiyaları, idmançılara tələblər, onların hazırlıq səviyyəsi və s. məsələlər nəzərdən keçirilir.

Seminarı P. Lesqaft adına Milli Bədən Tərbiyəsi, İdman və Sağlamlıq Dövlət Universitetinin (Sankt-Peterburq) müəllim heyəti aparır.

Ali məktəbin professoru Raisa Terexinanın sözlərinə görə, Azərbaycanda gimnastika intizam sahəsində mütəxəssislərin elmi-metodik potensialına böyük diqqət ayrılır.

- Səfəriniz necə keçir?

- Seminarın əsas məqsədi təlim-tədris prosesinin yeni metodik, texniki və elmi səviyyədə keçməsi üçün məşqçilərlə ünsiyyət və onların ixtisasının, elmi potensialının artırılmasından ibarətdir.

Hazırda idmanda idmançıların keyfiyyətcə yeni səviyyədə hazırlığını həyata keçirməyə imkan verən zəngin təcrübə, yeni texnologiyalardan istifadə təcrübəsi toplanıb. Bizim işimiz ona yönəldilib ki, yüksək nəticələr əldə olunarkən gimnastlar öz sağlamlıqlarını qoruyub saxlasınlar.

- Bəs gündəlikdə hansı suallar var idi?

- İdmançıların sağlamlığa ziyan vurmadan yüksək nəticələrə nail olmaları və gələcək həyatda uğurla ictimailəşmələri, gimnastikanın inkişafı üçün öz elmi-praktiki təcrübələrini ötürmələri çox əhəmiyyətlidir. Azərbaycanda xüsusilə bədii gimnastika, yüksək ixtisaslı idmançıların hazırlığı sahəsində böyük təcrübə toplanıb. Azərbaycan gimnastları Avropada və dünyada aparıcı mövqeləri tuturlar. Bunlar aparıcı gimnastika komandalarına ciddi rəqabət təşkil edən rəqabət qabiliyyətli komandalardır. Mən həmişə Azərbaycan komandalarından yüksək nəticələr gözləyirəm və güman edirəm ki, onlar Bakıda Avropa çempionatında uğurla çıxış edəcəklər.

- Bakı seminarın davamını olacaqmı?

- Ola bilər, amma dünya çempionatından sonra. Azərbaycan Gimnastika Federasiyasının rəhbərliyi mütəxəssislərin ixtisasının artırılması məsələlərinə, təlim-tədris prosesini keyfiyyətcə yeni səviyyədə həyata keçirməyə icazə verən innovasiyalara, gimnastikada beynəlxalq əlaqələrə böyük diqqəti ayırır ki, bu, gimnastikada müsbət nəticələr verəcək çox yaxşı tendensiyadır. Biz mütəxəssislər dünyada gimnastikanın inkişaf tendensiyalarının analizi zamanı Azərbaycanın gimnastikanın inkişaf etdiyi aparıcı ölkələrin arasında olacağını gözləyirik.