Bədii gimnastlar bu dəfə öz zərif performanslarını Dünya kubokunda sərgiləyəcəklər. 

18-20 aprel tarixlərində Bakıda, Milli Gimnastika Arenasında “Bədii gimnastika üzrə FIG Dünya kuboku, AGF Trophy” keçiriləcək. 
3 gün ərzində baş tutacaq yarışda gimnastlar ayrı-ayrı alətlər və çoxnövçülük üzrə öz bacarıqlarını sərgiləyəcəklər. 
Ənənəyə uyğun olaraq bu kubokda da ən çox icra xalını toplamış gimnast və qrup komandasına “AGF Trophy” kuboku təqdim olunacaq.

Bədii gimnastların maraqlı və rəngarəng performanslarını izləmək istəyən tamaşaçılar biletləri iticket.az saytından və şəhərin kassalarından əldə edə bilərlər.