İdman

gimnastikadan

başlayır

3 MEDAL KALİNİNQRADDAN VƏ 5-ci YERLƏR MİNSKDƏN

14 dekabr 2010

3 MEDAL KALİNİNQRADDAN VƏ 5-ci YERLƏR MİNSKDƏN

Azərbaycanın gənc gimnastları Kalininqradda keçirilən beynəlxalq turnirdə üç medal qazanıblar.

Azərbaycan Gimnastika Federasiyasının mətbuat xidməti xəbər verir ki, komandanın hesabına birinci medalı ikinci yeri tutan, Bakı Gimnastika Məktəbinin səkkiz yaşlı yetirməsi Vəfa Həsənzadə yazdırıb. O, yarış təşkilatçılarını o qədər heyrətləndirib ki, hətta onu turnirin "Miss Qrasiyası" adına layiq görüblər.

İki bürünc mükafatı isə İlahə Məmmədova (2001-ci il təvəllüdlü) və 12 yaşlı Nülufər Niftəliyeva qazanıblar.

Azərbaycanın digər gimnastları Albina Əliyeva (1995-ci il təvəllüdlü) və Səbinə Hümmətova (1999-cu il təvəllüdlü) 4-5-ci yerləri tutublar.

Minskdə tamblinq və akrobatika gimnastikası üzrə "Bondarev Kuboku" beynəlxalq turnirində çıxış etmiş Hafiz Rzayev də yüksək yerə layiq görülüb.

O, finalda iki dəfə üç qat saltonu yerinə yetirib, lakin yerə düşəndə səhvə yol verib və nəticədə 5-ci olub.

Aynur Hüseynova və Nərmin Ramazanovadan ibarət gənc akrobatlar qadın cütlüyü beşinci yeri tutaraq, yekun protokolda səkkizinci yeri tutan komanda üzrə rəfiqələrini və daha təcrübəli Afaq Məhərrəmli və Pərizad Quliyeva duetini qabaqlayıblar.

Nəhayət, bir ay əvvəl idman gimnastikası üzrə ölkənin mütləq çempionu adını qoruyub saxlayan Elvin Ağadədəyev Bakı çempionatında da dubl edib. O, bütün altı aləti yekunda ikinci və üçüncü olan izləyiciləri Uğur Xəlilbəyli və Rəşad Cəfərli ilə müqayisədə səhvsiz keçib. İdman ustalığına namizədlər arasında qələbəni Mirvaqif Bağırov qazanıb. Birinci dərəcəli gimnastlardan isə Emil Seyidov Bakı çempionu olub.