25-31 oktyabr tarixlərində Bəhreyn Krallığının Manama şəhərində keçirilən “Bəhreyn-2024 Gimnaziada İdman Oyunları” beynəlxalq yarışında millimizin üzvləri Azərbaycanı aerobika gimnastikası, bədii gimnastika və qadın idman gimnastikası kateqoriyalarında təmsil edirlər. Gimnastlarımız yarışın ilk günlərindən artıq bizə sevindirici nəticələri təqdim ediblər. Belə ki, milli komandamızın üzvləri aerobika üzrə fərdi və qrup hərəkətləri proqramlarında medal qazanıblar.

Fərdi proqramda Məryəm Topçubaşova 18.550 xalla bürünc medal, qrup hərəkətləri proqramında isə gimnastlarımız 18.300 xal qazanaraq gümüş medal sahibi olublar.

Qrup hərəkətləri proqramında millimizi Sara Əlixanlı, Fidan İbrahimova, Məryəm Topçubaşova, Leyla Əhmədova və Evelina Kozlovskaya təmsil edib.

Qızlarımızı bu nailiyyət münasibətilə təbrik edir və növbəti yarışlarda uğurlar arzulayırıq!