7, 8 vǝ 9 noyabr tarixlǝrindǝ Heydǝr Əliyev adına İdman Konsert Kompleksindǝ keçirilǝn  “Akrobatika gimnastikası üzrǝ 29-cu Ölkǝ çempionatı vǝ Bakı birinciliyi”nin idman yarışı uğurla başa çatdı. 
Milli yarışda Bakı Gimnastika Mǝktǝbi, “Ocaq Sport” Klubu, “Neftçi” İdman Klubu vǝ 13 nömrǝli İxtisaslaşdırılmış Olimpiya Ehtiyatları Uşaq-Gǝnclǝr İdman Mǝktǝbini
ümumilikdǝ 73 idmançı tǝmsil edib.
Üç gün davam edǝn yarışlarda qadın cütlüklǝri (uşaqlar: 2008-2013; balacalar: 2009-2018-ci il), kişi cütlüklǝri (böyüklǝr: 2009-cu il vǝ daha böyük),
qarışıq cütlüklǝr (böyüklǝr: 2009-cu il vǝ daha böyük), qadın qrupları (uşaqlar: 2008-2013; yeniyetmǝlǝr: 2006-2012; gǝnclǝr: 2005-2010; böyüklǝr: 2009-cu il vǝ daha böyük) vǝ kişi qrupları (yeniyetmǝlǝr: 2006-2012; böyüklǝr: 2009-cu il vǝ daha böyük) balans, temp vǝ qarışıq hǝrǝkǝtlǝr proqramı üzrǝ medallar uğrunda mübarizǝ aparıblar.

Yarışların sonunda qalib gimnastlar medal vǝ sertifikatlarla mükafatlandırılıblar. 
Akrobatika gimnastikasının inkişafına öz töhfǝlǝrini verǝn bütün iştirakçıları bu uğurlar münasibǝtilǝ tǝbrik edir, növbǝti yarışlarda yeni nailiyyǝtlǝr arzulayırıq.

Yarışın nəticələri ilə aşağıdakı linkdən tanış ola bilərsiniz:
Nəticələr