Bu gün, Portuqaliyanın Lole şəhərində batut gimnastikası və tamblinq üzrə sonuncu Dünya Kuboku öz işinə yekun vurub.

Turnirin son günü 2 il ərzində təşkil olunmuş bütün Dünya Kuboklarının yekun xalları əsasında fərqlənmiş gimnastlara Beynəlxalq Gimnastika Federasiyasının xüsusi kubokları təqdim edilib.  Azərbaycan gimnastı, tamblinq üzrə 2018-ci ilin Avropa Çempionu Mixail Malkin burada da birinciliyini qoruyub saxlayaraq, kuboka layiq görülüb.

Gimnastımızı bu uğurlu nəticə münasibətilə təbrik edir, ona daha yüksək zirvələrdə durmağı arzu edirik!