Bugün Bakıda bədii gimnastika üzrə Azərbaycan Birinciliyi və Bakı Çempionatı üzrə yarışlar start götürüb. Yarışlarda ən yaxşı ad uğrunda ən gənc gimnastlar mübarizə aparırdılar. 2006-cı il təvəllüdlü gimnastlar arasında Cahan Əsədova birinci oldu, 2005-ci il təvəllüdlü gimnastlar arasında yüksək nəticəni Selcan Hacızadə göstərdi və 2004-cü il təvəllüdlü gimnastlar arasında Arzu Cəlilova öz qələbəsini qeyd etdi.

Sabah isə Milli Gimnastika Arenasında Göyçay, Kürdəmir, Qusar rayonunun, həmçinin Sumqayıt və Xırdalan şəhərlərinin yetirmələri arasında  1-ci Bölgələrarası Kukok keçiriləcək. Sonra isə yarışlar Azərbaycan Birinciliyi və Bakı Çempionatında iştirak edəcək 2002-2003 və 1999-2001–ci il təvəllüdlü gimnastların çıxşları ilə davam edəcək.