7 dekabr tarixində Milli Gimnastika Arenasında keçirilən “Batut gimnastikası üzrə 8-ci Ölkə birinciliyi və Bakı çempionatı” maraqlı çıxışlarla yadda qaldı. 
Yarışda müxtəlif yaş kateqoriyalarında iştirak edən gimnastlar fərdi və sinxron proqramlarda öz məharətlərini nümayiş etdirdilər.

Balacalar (2017-ci il), uşaqlar (2014-2016-cı il), yeniyetmələr (2012-2013-cü il), gənclər (2008-2011-ci il) və böyüklər (2007-cı il və daha böyük) yaş kateqoriyaları üzrə “Ocaq Sport” Klubu və  Bakı Gimnastika Məktəbinin təmsilçiləri mübarizə apardılar.

İki mərhələdən ibarət olan yarışda qaliblər təsnifat mərhələsində toplanan xalların cəminə əsasən müəyyənləşdi. Yekunda hər bir yaş kateqoriyasının ən yaxşı gimnastları mükafatlandırıldı.

Yarışda iştirak edən bütün gimnastları təbrik edir və gələcək yarışlarda onlara yeni uğurlar arzulayırıq!