Bu həftə sonu bədii gimnastlarımız bizi uğurlu çıxışları ilə sevindiriblər. Belə ki, bədii gimnastika üzrə Azərbaycan yığma komandasının üzvləri Leyli Ağazadə, Alina Məmmədova və Mədinə Dəmirova 31 mart - 3 aprel tarixlərində Bosniya və Hersoqovinanın paytaxtı Sarayevo şəhərində keçirilən “Suada Dilberoviç” beynəlxalq turnirində uğurlu çıxışları ilə yadda qalıblar. 
İdmançılarımız turnirdə 15 medal (5 qızıl, 5 gümüş, 5 bürünc) qazanıblar.
Millimizin üzvləri Alina Məmmədova üç qızıl (çoxnövçülük, halqa, top), bir gümüş (lent), bir bürünc ( gürzlər), Leyli Ağazadə iki qızıl (gürzlər, lent), iki gümüş (çoxnövçülük, halqa), bir bürünc ( top), Mədinə Dəmirova isə iki gümüş ( top, gürzlər) və üç bürünc ( çoxnövçülük, lent, halqa) medala sahib çıxıb.