29 mart-3 aprel tarixlərində Bolqarıstanın paytaxtı Sofiya şəhərində bədii gimnastika üzrə Dünya kuboku keçirilib. Yarışda ölkəmizi Azərbaycan yığma komandasının üzvləri Zöhrə Ağamirova və Alina Gözəlova təmsil edib. Gimnastlarımızdan ən yaxşı nəticəni halqa ilə hərəkətlərdə finala adlayan Zöhrə Ağamirova qazanıb. O, bu alətlə hərəkətlərin icrasında 6-cı pillədə qərarlaşıb.