Azərbaycan Gimnastika Federasiyasının mətbuat xidməti bildirir ki, Kyetinin "Armonia di Abruttso" klubu əsasən onun sayəsində gümüş medala sahib olub. Belə ki, Durunda gürzlərlə hərəkətlərə görə 17.15 bal qazanaraq komanda yoldaşları və bu hərəkətləri yerinə yetirən digər iştirakçılar arasında ən yüksək nəticəyə sahib olub.

Ümumilikdə "Armonia di Abruttso" 296.1 bal toplayıb və aktivindəki 72 xalla əvvəlki kimi turnir cədvəlində birinci yeri tutur. Payızın son günündə keçiriləcək final turundan qabaq Marinanın klubu Ukraynadan olan dünya çempionu Qanna Rizatdinovanın çıxış etdiyi San-Corcionun "Gimnastika" klubunu üç xalla qabaqlayır.