Bədii gimnastlarımızın ardınca Çinin Çenqdu şəhərində keçirilən Ümumdünya Universiadasında idman gimnastlarımız mübarizəyə qoşulublar.
Bu növ üzrə yarışların ilk günündə çoxnövçülük, eləcə də ayrı-ayrı alətlər üzrə finala təsnifat yarışları keçirilib.
Ölkəmizi çoxnövçülük proqramında İvan Tixonov, halqalar ilə hərəkətlərin icrasında isə Nikita Simonov təmsil edib.
Təsnifat yarışının ilk günü 6 alətlə çıxış nümayiş etdirən İvan çoxnövçülük, Nikita isə halqalar ilə hərəkətlərin icrasında finala vəsiqəni təmin edib.
Həlledici mərhələdə Nikita Simonov 5-ci, İvan Tixonov isə 13-cü pillədə qərarlaşıb.
Xatırladaq ki, bundan öncə bədii gimnastımız Zöhrə Ağamirova Azərbaycan yığma komandasının aktivinə Universiadanın 3 medalını (2 gümüş, 1 bürünc) yazdırmışdı.