Yeni mövsümün yarış başlanğıcı parlaq və zərif oldu. Bu tədbir Quba şəhərində keçirildi. “Grace of Nature” adlı turnir bütün iştirakçılara gözəl təəssürat bağışladı. Sentyabrın 24-dən 26-dək Quba Olimpiya İdman kompleksi bu yarışa ev sahibliyi etdi. 26 klubdan 255 gimnast öz bacarıqlarını tamaşaçılara nümayiş etdirdi. Gimnastlar kiçiklər (2017-2018-ci il), uşaqlar (2014-2016-cı il), yeniyetmələr (2012-2013-cü il) və gənclər (2009-2011-ci il) yaş kateqoriyalarında çıxış etdi. Turnirdə ölkənin 17 bölgəsi təmsil olundu. Tamaşaçıların xeyli sayda olduğu birinci və ikinci günlər, fərdi gimnastların çıxışları, üçüncü gün isə proqramın böyük hissəsi qrup hərəkətləri komandaların çıxışlarından ibarət oldu. Çox gənc yaşlarına baxmayaraq, gimnastlar proqramlarının gözəlliyi, xoş musiqi və incə hərəkətləri ilə əsrarəngiz ab-hava yaratdılar. Quba şəhəri öz memarlığı və təbiəti ilə məşhurdur. Bütün bunlar bir “pazl” kimi birləşərək əsl gözəllik tapmacasını bir araya gətirdi. Hər bir gimnast bu yarışda özü üçün yeni bir təcrübə əldə etdi. Axı burada bəlkə də beynəlxalq yarışların, dünya və Avropa çempionatlarının, eləcə də Olimpiya oyunlarının gələcək qalibləri çıxış edirdilər. Hər bir gimnast üçün bu turnir gələcəkdə böyük uğurlara səbəb ola biləcək gözəl təcrübə idi. Yarışın nəticələri ilə aşağıdakı linkə daxil olaraq saytımızda görə bilərsiniz:

https://agf.az/ru/competitions/osenniy-sorevnovatelyniy-sezon217263