Bu həftəsonu, aerobika üzrə yığma komandamızın üzvləri Kantanedidə (Portuqaliya) təşkil olunmuş Dünya Kubokunda iştirak ediblər.

18 ölkədən idmançıların qatıldığı turnirdə Azərbaycan təmsilçiləri 3 proqram üzrə çıxış ediblər. Fərdi yarışlarda mübarizə aparan gimnastımız Vladimir Dolmatov 19.850 xalla 11-ci yerdə qərarlaşıb. Qarışıq cütlükdə Vladimir, Nərminə Hüseynova ilə birgə çıxış edib və onlar 11-ci yerlə (17.700) kifayətləniblər.

Təmsilçilərimizdən ən yaxşı nəticəni “trio” olaraq çıxış edən Elçin Məmmədov, Emil Quliyev və İmran İmranov  göstərib. Üçlüyümüz final mərhələsində 19.750 xal toplayaraq, turniri 5-ci yerdə başa vurublar.