5–7 dekabr tarixlərində Serbiyanın Novi Sad şəhərində idman gimnastikası üzrə beynəlxalq turnir keçirilib. Turnirdə iştirak edən gimnastlarımız yüksək nəticələr əldə ediblər.

Çoxnövçülük proqramında Lalə 44.400 xalla 1-ci, Loyko Milana 43.450 xalla 2-ci, İlham Salayev 69.300 xalla 1-ci, Əli Xəlilov isə 64.750 xalla 2-ci yeri tutublar.

Turnirin ikinci günündə də gimnastlarımız uğurlu çıxışlarını davam etdiriblər. Belə ki, İlham Salayev sərbəst hərəkətlərdə 13.000 və halqalarda 11.750 xalla 1-ci yerə, dəstəli atda 11.900 xalla 2-ci yerə, dayaqlı tullanmada isə 11.325 xalla 3-cü yerə layiq görülüb. Miriyusif Əhmədzadə dəstəli atda 12.900 və paralel qollarda 11.400 xalla 1-ci yeri qazanıb. Əli Xəlilov sərbəst hərəkətlərdə 12.300 xalla 1-ci olub. İgidali Coşgun paralel qollarda 11.200 xalla 2-ci, halqalarda 10.900 xalla 3-cü yeri tutub. Mahir Səlimov sərbəst hərəkətlərdə 12.500 xalla 2-ci yeri qazanıb. Lalə Zamanlı müxtəlif hündürlüklü qollarda 10.350 xalla 2-ci, Milana Loyko isə dayaqlı tullanmada 11.850 xalla 3-cü yeri əldə edib.

Bundan əlavə, kişi idman gimnastlarımız komanda hesabında 196.450 xalla 2-ci, qarışıq komanda hesabında isə 240.850 xalla 3-cü yerə layiq görülüblər.

Gimnastlarımızı təbrik edirik!