11-12 oktyabr tarixlərində Çexiyanın Yablones nad Nisou şəhərində batut gimnastikası üzrə 51-ci Beynəlxalq Dostluq yarışı keçirilib. Yarışda iştirak edən millimizin üzvləri müxtəlif proqramlar üzrə yüksək nəticə göstərərək birinci, ikinci və üçüncü yerin sahibi oldular. Fərdi proqram üzrə millimizin üzvləri Ammar Baxşalıyev (52,430) qızıl medal, Əli Niftəliyev (51,790) və Ömər Qasımlı (47,600 xal) gümüş medal qazandılar.

Sinxron proqram üzrə isə yeniyetmələr yaş kateqoriyasında Əli Niftəliyev və Ammar Baxşalıyev qızıl medal, kiçiklər yaş kateqoriyası üzrə Ömər Qasımlı və Fərhad Mustafayev gümüş medal, böyüklər yaş kateqoriyasında Nicat Mirzəyev və Hüseyn Abbasov bürünc medalın sahibi oldular.

Gimnastlarımızı bu uğurlar münasibətilə təbrik edir, növbəti yarışlarda uğurlar arzulayırıq!