25-27 oktyabr tarixlərində Almaniyanın Kotbus şəhərində “GymCity Open” beynəlxalq yarışı keçirilib. Yarışda iştirak edən milli komandanın batut gimnastikası üzvləri həm fərdi, həm də sinxron proqramlarda yüksək nəticələr göstərdilər.

Fərdi proqramda yarışan Hüseyn Abbasov (55.480 xal) və Əli Niftəliyev (53.090 xal) möhtəşəm performansları ilə 1-ci yeri tutaraq qızıl medal qazandılar. Sinxron proqramda isə yeniyetmələr yaş qrupunda Əli Niftəliyev və Ammar Baxşalıyev (45.825 xal) qızıl medalla 1-ci yeri, böyüklər yaş qrupunda isə Hüseyn Abbasov və Nicat Mirzəyev (47.775) gümüş medalla 2-ci yeri əldə etdilər.

Gimnastlarımızı bu nailiyyətlər münasibətilə təbrik edir, növbəti yarışlarda uğurlar arzulayırıq!