Türkiyənin İzmir şəhərində bədii gimnastika üzrə Dünya Çempionatının 2-ci təsnifat günü yekunlaşıb. Azərbaycan gimnastları – Marina Durunda, Gülsüm Şəfizadə və Nilufər Niftalıyeva halqa və topla çıxış ediblər.

Marina Durunda yaxşı nəticələr göstərərək, bu alətlərlə dünyanın 8 ən yaxşı idmançısının çıxış etdiyi finala çıxmağa müvəffəq olub. Finalda gimnastımız halqa və topla müvafiq olaraq 6-cı və 7-ci yerdə qərarlaşıb.

Bu gün, Durunda və Şəfizadə gürzlərlə, sabah isə lent ilə çıxış edəcəklər və elə həmin bu alətlər üzrə final mərhələsi olacaq.