8-10 noyabr tarixlərində Yunanıstanın Saloniki şəhərində qadın idman gimnastikası üzrə “Horizon Cup” adlı beynəlxalq yarış keçirildi. 
Yarışda Azərbaycanı təmsil edən millimizin qadın idman gimnastikası üzvləri  yadda qalan çıxışları ilə fərqləndi.

Gimnastlarımız öz bacarıqlarını müxtəlif kateqoriyalarda nümayiş etdirərək yüksək nəticələrə imza atdılar. 
Belə ki, Dəniz Əliyeva dayaqlı tullanma (13,200), müxtəlif hündürlüklü qollar (10,400), çöxnövçülük (46,750) və gimnastika tiri üzrə qızıl (11,650), sərbəst hərəkətlərdə bürünc medal (11,500), Leyla Məmmədzadə müxtəlif hündürlüklü qollar (10,700), çöxnövçülük (44,750) və sərbəst hərəkətlər üzrə qızıl medal (11,600), Aytən Məmmədova sərbəst hərəkətlər üzrə qızıl (12,100), çoxnövçülük (42,900) və müxtəlif hündürlüklü qollar üzrə bürünc (9,100), Albina Aliyeva dayaqlı tullanma üzrə gümüş (12,400), müxtəlif hündürlüklü qollar üzrə bürünc medal (9,850), Aynaz Məcidzadə gimnastika tiri üzrə qızıl (11,150), çöxnövçülük (44,400) və sərbəst hərəkətlər kateqoriyası üzrə gümüş medal (11,500) sahibi oldular.

Qızlarımızı bu uğurlu çıxışları münasibətilə təbrik edir, növbəti yarışlarda müvəffəqiyyətlər arzulayırıq.