Milli Gimnastika Arenasında keçirilən “Tamblinq üzrə 20-ci Ölkə birinciliyi və Bakı çempionatı” uğurla başa çatdı. Yarışda müxtəlif yaş kateqoriyalarında çıxış edən gimnastlar öz çevikliklərini, güclərini və koordinasiya bacarıqlarını nümayiş etdirdilər.
Bakı Gimnastika Məktəbi və “Neftçi” İdman klubu təmsilçiləri uşaqlar (2014-2016), yeniyetmələr (2012-2013), gənclər (2008-2011) və böyüklər (2007 və daha böyük) yaş kateqoriyalarında birincilik uğrunda mübarizə apardılar, həm sürət, həm də güc tələb edən hərəkətlərdə öz bacarıqlarını sərgilədilər. 

Yekunda hər yaş kateqoriyasında ən yaxşı nəticə göstərən gimnastlar xüsusi medallar və diplomlarla mükafatlandırıldı. Yarışda idmançıların göstərdiyi əzmkarlıq və peşəkarlıq hər kəs tərəfindən yüksək qiymətləndirildi.

Qalib olan bütün gimnastları təbrik edir və növbəti yarışlarda yeni nailiyyətlər arzulayırıq!