9-11 dekabr tarixlərində Milli Gimnastika Arenası öz qapılarını “Bədii gimnastika üzrə 29-cu Bakı çempionatı və birinciliyi” yarışının iştirakçılarına və tamaşaçılarına açdı. Üç gün boyunca davam edən bu yarış rəqiblər arasındakı mübarizə ilə yanaşı, gözəllik, dəqiqlik və zərifliyin nümayişi idi.

Yarışda gimnastlar balacalar (2014-2016-cı il təvəllüdlülər), yeniyetmələr (2011-2013-cü il təvəllüdlülər) və gənclər (2010-2011-ci il təvəllüdlülər) yaş kateqoriyalarında həm fərdi, həm də qrup hərəkətləri proqramları üzrə bacarıqlarını göstərdilər.

Yarış boyunca gimnastlar alətsiz, lent, top və halqa ilə əsrarəngiz çıxışlarını təqdim etdilər. Hər bir çıxış arenada böyük coşqu ilə qarşılandı.

Ən həyəcanlı məqam isə final mərhələlərində yaşandı. Burada gimnastlar təkcə texniki bacarıqlarını deyil, həm də qətiyyətlərini və ruh yüksəkliyini nümayiş etdirərək birincilik uğrunda mübarizə apardılar.

Qalib olan bütün gimnastları təbrik edir, növbəti yarışlarda uğurlar arzulayırıq!