İdman

gimnastikadan

başlayır

Yana Batırşina Milli Gimnastika Arenasında gənc gimnastlara ustad-dərsləri keçdi

16 Sentyabr 2019

Yana Batırşina Milli Gimnastika Arenasında gənc gimnastlara ustad-dərsləri keçdi

Bədii gimnastika üzrə dəfələrlə dünya çempionu, Bakıda keçirilən dünya çempionatının səfiri Yana Batırşina gimnastika həvəskarları üçün ustad dərsi keçib.

Milli Gimnastika Arenasında keçirilən dərs böyük marağa səbəb olub.

Ustad dərsində 20-dən çox gələcək gimnast iştirak edib. Dərsin əvvəlində Y.Batırşina gənc gimnastlarla isinmə hərəkətləri yerinə yetirdi. Sonra hər bir iştirakçı top, halqa və lentlə öz bacarıqlarını nümayiş etdirdi.

Daha sonra dünya çempionu gənclərə “Batırşina tullanışını” necə etmək lazım olduğunu göstərdi. O bildirdi ki, dərsdə iştirak edən uşaqların böyük potensialı var və onları parlaq gələcək gözləyir.

Görüşün sonunda Y.Batırşina ustad dərsində iştirakçıları və onların valideynləri ilə xatirə şəkli çəkdirdi.