Çempionatın bugünki təsnifat mərhələsində fərdi gimnastlar halqa və top ilə çıxışlarını icra ediblər. Azərbaycan təmsilçiləri Zöhrə Ağamirova və Veronika Qudis də bu gün mübarizəyə qoşularaq, B qrupunda yer alıblar. Zöhrə halqa ilə kompozisiyasına görə 20.050 xal alaraq, 8-ci yerdə qərarlaşıb və bununla da finala vəsiqəni təmin edib. Veronika isə 18.250 xalla 19-cu olub. 

 Daha sonra gimnastlarımız xalça üzərində top ilə kompozisiyalarını təqdim etdilər.  Bu təsnifat mərhələsini Ağamirova 19.550 xalla 9-cu, Qudis isə 17.900 xalla 26-cı yerdə bitirib. 

 

Xatırladaq ki, çempionatın ilk günü, gənclərdən ibarət qrup hərəkətləri komandalarının təsnifat yarışlarında komandamız Milana Əkbərova, Ləman Əlimuradova, Mədinə Əsədova, Selcan Hacızadə, və Fəridə Səfiyarzadə 5 halqa ilə çıxışlarına görə finala vəsiqə qazanıblar.