İdman

gimnastikadan

başlayır

Bədii gimnastika üzrə beynəlxalq turnirə start verildi

28 mart 2025

 Bədii gimnastika üzrə beynəlxalq turnirə start verildi

Milli Gimnastika Arenasında keçirilən “Bədii gimnastika üzrə AGF Trophy beynəlxalq turniri” start götürüb. Üç gün davam edəcək yarışda ümumilikdə 16 ölkənin təmsilçiləri iştirak edirlər. Gimnastlar həm fərdi – lent, top, halqa və gürzlərlə, həm də qrup hərəkətləri proqramı üzrə gənclər və böyüklər yaş kateqoriyalarında çıxış edirlər.
Ölkəmiz turnirdə hər iki yaş kateqoriyası üzrə fərdi və qrup hərəkətləri proqramında təmsil olunur. Milli komandanın tərkibində Budapeştdə keçirilmiş Avropa çempionatının üç mükafatçısı - Fidan Qurbanlı, Şəms Ağahüseynova və Gövhər İbrahimova da yer alır. Qeyd edək ki, Gövhər üçün bu yarış gənclər yaş kateqoriyasında debüt olacaq.
Yarışın ilk günündə tamaşaçılar zəriflik və ustalıqla icra olunan möhtəşəm çıxışların şahidi oldular. Turnirdə ümumilikdə 68 fərdi gimnast və 14 qrup hərəkətləri komandası iştirak edir.
Gimnastlarımıza doğma arenada uğurlar arzulayırıq! 
Yarışın ilk gününün nəticələri ilə aşağıdakı link vasitəsilə tanış ola bilərsiniz:

https://agf.az/az/competitions/international-tournament-in-rh272132