Azərbaycan gimnastları Bolqarıstanda keçirilən “Danube Pearl” beynəlxalq turnirində əsl medal məhsulu yığmışlar. Azərbaycan Gimnastika Federasiyası mətbuat xidmətinin verdiyi məlumata görə, komandamız doqquz mükafat əldə etmişlər. Onlardan 5-i 14 yaşlı idman gimnastı Elvin Ağadədəyevin hesabındadır (at və halqalarda “qızıl”, çoxnövçülükdə “gümüş” və paralel qollar və turnikdə “bürünc”). Digər medallar 1996-cı il təvəllüdlü gimnastlar arasında çıxış edən bədii gimnast Lalə Yusifovanın hesabındadır. O, dörd medal əldə etmişdir – halqa ilə qızıl, topla gümüş və ip və çoxnövçükdə iki bürünc mükafat qazanmışdır. Həmçinin Jalə Qaratovanı (1995) qeyd etmək lazımdır. O, gürzlərlə finalda 4-cü yeri tutmuşdur. Paralel olaraq Türkiyənin İzmir şəhərində bədii gimnastika üzrə beynəlxalq turnir keçirilirdi. Burada iki Azərbaycan idmançısı çıxış edirdi. 1996-cı il təvəllüdlü gimnastların yarışında Ayşə Mustafayeva beş dəfə 5-ci yerə layiq görülmüşdür – dörd finalda və çoxnövçülükdə. Mənsurə Bağıyeva (1997) iplə 8-ci və ümumi hesabda 11-ci olmuşdur.