Akrobatlamızın sevincli medal xəbərləri batutçularımızla da davam etdi. Gimnastlarımız Türkiyədə keçirilən yarışda uğurla iştirak ediblər.

1-3 oktyabr tarixlərində İzmir şəhərində təşkil edilmiş Türkiyə Çempionatında Selcan Mahsudova, Maqsud Mahsudov, Hüseyn Abbasov, Mehdi Əliyev, İbrahim Mustafazadə və Ammar Baxşaliyev iştirak edib.

Böyüklər arasında çıxış edən Selcan qüsursuz çıxış nümayiş etdirərək, 1-ci olub. 13-14 yaşlı gimnastlar arasında çıxış edən Mahsud Maqsudov da birinciliyi əldən verməyərək, fəxri kürsünün ilk pilləsində yer alıb. Onunla eyni yaş qrupunda çıxış edən Mehdi Əliyev finalda 7-ci olub.

Maqsud, Mehdi və Hüseyn 13-14 yaşlı gimnastlar arasında komanda hesabında gümüş medal qazanıblar.

Daha bir medalı isə 10-12 yaşlı gimnastlarla yarışan Ammar qazanıb. Gimnastımız bu yarışda 2-ci yerdə qərarlaşıb.