İdman

gimnastikadan

başlayır

BİR BÜRÜNC VƏ DÖRD GÜMÜŞ

28 fevral 2011

BİR BÜRÜNC VƏ DÖRD GÜMÜŞ

Azərbaycan gimnastı Aliyə Qarayeva Moskva Qran-prisində halqa ilə hərəkətlərdə üçüncü yeri tutub.

Azərbaycan Gimnastika Federasiyasının mətbuat xidməti xəbər verir ki, o, mürəkkəb proqramı səhvsiz yerinə yetirdiyinə görə hakimlərdən 27.2 bal toplayıb. Lakın ikinci yeri tutmaq üçün bu yetərli olmadı. Qarayevanı Qazaxstanlı Anna Alabyeva keçmeyi bacarıb. Rusiyalı Yevgeniya Kanayeva isə birinci yerə yüksəlib.

Digər finalda lentlə hərəkətlərdə isə Qarayeva 5-ci yeri tutub.

Moskvada Azərbaycan yığması həm yuniorlar (yeniyetmələr), həm də seniorlar (böyüklər) arasında yarışlarda təmsil olunub. Qran-prinin çərçivəsində qrup hərəkətləri üzrə yarışlar da keçirilib. Lalə Yusifova, Ayşə Mustafayeva, Mənsurə Bağıyeva, Aynur Cabbarlı, Siyana Vasileva və Yekaterina Prokopenkodan yeniyətmələrdən ibarət qrup komandamız 5 iplə iki gümüş medal qazanıb.

Ceyla Quliyeva, Anastasiya Prasolova, Cəmilə Hüseynova, Ayelita Xələfova, Səbinə Abbasova və Stefani Trayanovadan böyüklərdən ibarət qrup komandamız isə 5 topla və çoxnövçülükdə iki gümüş medal qazanıb.

Bədii gimnastika üzrə Azərbaycan yığmasının baş məşqçisi Mariana Vasileva qeyd edib ki, öz yetirmələrinin çıxışından ümumilikdə razıdır.

"Moskvada öz qüvvəmizi və rəqiblərimizin vəziyyətini qiymətləndirə bildik. Mövsümün ilk yarışlarında idmançılarımız yeni proqramlar nümayiş etdirdilər. Onlar peşəkarlar tərəfindən yüksək qiymətləndirildi. Mütəxəssislərin xoşuna gələn yeniyetmələri xüsusi qeyd etmək istəyirəm. Yeniyetmələr Ləman Hacızadə (1999-cu il təvəllüdlü), Gülsüm Şəfizadə və Ləman Dadaşlı (1998-ci il) komanda hesabında 6-cı yeri tutdular. Bir həftə öncə isə Budapeştdə Ləman və Gülsüm ikinci yerləri qazandılar.

Qrup yarışında mübarizə aparan gimnastların ümumi hesabında dörd gümüş medal var. Bu, qarşıdakı Avropa çempionatı üçün yaxşı nəticədir", Azərbaycan komandasının baş məşqçisi hesab edir.

Onun sözlərinə görə, Qarayeva və digər fərdi mübarizə aparan gimnastların çıxışlarına gəldikdə, halqa ilə qazandığı gümüş son hədd deyil. "Ümid edirik ki, sonrakı yarışlarda o daha yaxşı çıxış edəcək və bizi ayrı-ayrı növlər üzrə də, çoxnövçülükdə də mükafatlarla sevindirəcək", M. Vasileva qeyd edib.