Müsahibələr
- Biz buraya gələcək yarışlara hazırlaşmağa gəlmişik
- Biz Bakıya təkmilləşmək üçün gəlmişik
- “Olimpiya Oyunlarına lisenziya qazanmağı qarşıma məqsəd qoymuşdum”
Arxiv
GİMATOVA VƏ ŞAMİLOVA KAZANDA KEÇİRİLƏN TURNİRİN GÜMÜŞ MÜKAFATÇILARIDIR
12 noyabr 2007
  | Azərbaycan gimnastları Dinarə Gimatova və Leyla Şamilova Kazanda keçirilən beynəlxalq turnirdə gümüş medala layiq görülmüşlər. Azərbaycan Gimnastika Federasiyasının mətbuat xidməti bildirir ki, 2007-ci il Avropa və dünya çempionatlarının bürünc mükafatçısı Dinarə Gimatova şəxsi çoxnövçülükdə 71.575 xal toplamışdır. O bildirmişdir ki, bu çox gərgin və gözəl təşkil olunmuş turnir idi. “Kazanda gimnastika idmanın sevilən və başadüşülən növlərindəndir. Burada çıxış etmək, xüsusilə də Rusiya idmançıları ilə yanaşı qaliblər sırasında olmaq həmişə xoşdur. Komandamız üçün ikinci gümüş medal qazanmış Leylanı da təbrik edirəm”, deyə Gimatova bildirib. Leyla Şamilova yekun reytinqində Latviya gimnastından sonra ikinci olmuşdur – 58.375 xal. Digər üç gimnastımızın çıxışlarına gəldikdə isə, Cənnət Məmmədova və Aişə Mustafayeva müvafiq olaraq 8-ci (35.025) və 9-cu (59.075) yerləri tutmuşlar. Nərgiz Əliyeva isə 13-cü olmuşdur – 77.425 xal. Noyabrın 16-18-də Avstriyanın İnsbruk şəhərində Qran-pri turnirinin final yarışması və yeniyetmələr arasında beynəlxalq turnir keçiriləcəkdir. Qran-pri uğrunda digər adlı-sanlı gimnastlarla birlikdə Avropa çempionu Aliyə Qarayeva və 2007-ci ilin Avropa və dünya birinciliklərinin bürünc mükafatçısı Anna Qurbanova, yeniyetmələrin turnirində isə Nigar Mirzəyeva mübarizə aparacaqlar. Belçikanın Gent şəhərində “Happy Cup-2007” turniri keçiriləcəkdir. Həmin yarışa 2007-ci il dünya çempionatının bürünc mükafatçısı Zeynəb Cavadlı, habelə yeniyetmələr Nigar Abdusəlimova və Yekaterina Prokopenko gedəcəklər. |