Azərbaycan Gimnastika Federasiyasının mətbuat xidmətindən bildiriblər ki, 5 halqa ilə iki tapşırığın nəticələrinə görə, kollektiv minimum nəticə, bürünc xətdən 0.4 bal aşağı, 31.45 bal toplayıb.

Marina Durundanın aktivində də üç final daxil olmaqla 5-ci yerləri var. O, iki dəfə (gürzlər və lent) Avstriya və Koreya idmançıları ilə beşinci və 6-cı (halqa və çoxnövçülük) olub. İkinci Azərbaycan idmançısı Lalə Yusifova çoxnövçülük üzrə yarışlarda 11-ci pilləni tutub.

Ölkənin böyüklərdən ibarət qrup komandası Sofiyada final çıxışları ilə yadda qalıb. Çoxnövçülükdə 6-cı olan qızlar bu nəticəni 5 cüt gürzlə olan yarışlarda təkrarlayıblar. Onlar, həmçinin 3 top və 2 lent kombinasiyasında 7-ci pilləni tutublar.

Sonrakı istiqamət - Minskdir. Belarus paytaxtında mayın 17-19-da Dünya kubokunun növbəti mərhələsi və Vyanada (31 may - 2 iyun) Avropa çempionatı öncəsi son turnir keçiriləcək. Milli komandanın məşqçi qərargahı hesab edir ki, Yusifova, Durunda və qrup komandası öz reytinqini daha yuxarı qaldırmalıdır.