Avqust

Türkiyənin Konya şəhərində təşkil edilmiş V İslam Həmrəyliyi Oyunlarında çərçivəsində gimnastika yarışlarında (bədii gimnastika, kişi və qadın idman gimnastikası, aerobika gimnastikası) təmsilçilərimiz 17 medal  (8 qızıl, 7 gümüş, 2 bürünc)  qazanmışlar.

Almaniyanın Münhen şəhərində idman gimnastikası üzrə keçirilmiş Avropa çempionatında təmsilçimiz Nazənin Teymurova dayaqlı tullanma üzrə hərəkətlərdə uğurla çıxış edərək Azərbaycanın gimnastika tarixində ilk dəfə olaraq qadın idman gimnastikası üzrə gənclər yaş kateqoriyasında finala vəsiqə qazanmışdır. 

Azərbaycan Respublikasının Prezidenti İlham Əliyev və birinci xanım Mehriban Əliyeva V İslam Həmrəyliyi Oyunlarında nəticə əldə etmiş idmançılarla görüşmüşlər.