Noyabr

4-cü İslam Həmrəyliyi Oyunlarının qalibi, V İslam Həmrəyliyi Oyunlarının üçqat qızıl, gümüş və bürünc mükafatçısı, Yay Universiadasının ikiqat gümüş mükafatçısı, Tokio Yay Olimpiya Oyunlarının iştirakçısı Zöhrə Ağamirova Milli Olimpiya Komitəsinin Atletlər Komissiyasının üzvü seçilmişdir.

Azərbaycan Gimnastika Federasiyasının Milli Olimpiya Komitəsinin 30 illik yubileyinə həsr olunmuş İdman Filmləri və Proqramları Milli Televiziya Festivalına təqdim etdiyi “Sağlamlıq idmandan, idman isə gimnastikadan başlayır” adlı videoçarx “Reklam və promo çarx” `nominasiyasının qalibi olmuşdur.

Liverpul şəhərində (İngiltərə) kişi və qadın idman gimnastikası üzrə keçirilən dünya çempionatında millimizin üzvü Nikita Simonovun halqaların icrası üzrə təqdim etdiyi yeni element FIG-nin kişi idman gimnastikası üzrə Texniki Komitəsi tərəfindən təsdiq edilmişdir.