Batut gimnastikası üzrə Dünya Kuboku, AGF Trophy

Yarış haqqında

Yubiley ilini uğurla başa vuran Azərbaycan Gimnastika Federasiyası bu ilin fevral ayından etibarən yenidən yerli və beynəlxalq yarışlar mövsümünə start verir.
Federasiyanın təşkil edəcəyi ilk yarış fevralın 18 və 19-da ənənəvi yarış məkanı olan Milli Gimnastika Arenasında keçiriləcək batut gimnastikası üzrə Dünya kuboku olacaq.

Böyüklər arasında təşkil olunacaq yarışda Azərbaycanla yanaşı, 16 ölkədən 62 gimnastın fərdi və sinxron proqramda çıxışı gözlənilir.

Ölkəmizi bu yarışda ötən il ölkəmizdə keçirilmiş Dünya kubokunun gümüş mükafatçısı Selcan Mahsudova təmsil edəcək.

İdmansevərlər batut ulduzlarının təqdimatında maraqlı mübarizəni İdman TV kanalı vasitəsilə canlı izləyə biləcəklər.
Qeyd edək ki, batut gimnastikası Azərbaycanda 2013-cü ilin sonundan inkişaf etməyə başlayıb. Bu növ üzrə Dünya Kuboku Bakıda artıq altıncı dəfədir ki, təşkil olunur.

Dünya kubokunda iştirak edəcək tanınmış idmançıların siyahısını təqdim edirik:
Kanada:
Flin Qabriella - dünya çempionatının bürünc mükafatçısı (ikili-mini batut üzrə
komanda hesabı)
Fransa:
Allan Morante- dünya çempionatının ikiqat gümüş mükafatçısı (fərdi çıxış və
komanda hesabı);
Ru Florestan - dünya çempionatının gümüş (komanda hesabı) və bürünc (sinxron
cütlük proqramı) mükafatçısı;
Şartye Julyen - dünya çempionatının gümüş mükafatçısı (komanda hesabı);
Güzu Piyer - Avropa çempionatının bürünc mükafatçısı (sinxron cütlük
proqramı), dünya çempionatının gümüş (komanda hesabı) və bürünc (sinxron
cütlük proqramı) mükafatçısı;
Lyabrus Lea - dünya çempionatının gümüş mükafatçısı (sinxron cütlük
proqramı);
Juber Marin- dünya çempionatının gümüş mükafatçısı (sinxron cütlük proqramı);
Böyük Britaniya:
Endryu Stamp - Gənclər arasında Yay Olimpiya Oyunlarının (Buenos-Ayres)
gümüş mükafatçısı (fərdi çıxış), dünya çempionatının qalibi (komanda
çoxnövçülüyü), gənclər arasında Avropa çempionatının gümüş (komanda hesabı)
və bürünc (fərdi çıxış) mükafatçısı;
Perzamanos Zak- dünya çempionatının qalibi (komanda çoxnövçülüyü);
Volks Kori - Avropa çempionatının ikiqat gümüş (fərdi çıxış və komanda hesabı)
mükafatçısı;
Almaniya:
Şuldt Matias - dünya çempionatının bürünc mükafatçısı (komanda hesabı);
Vogel Fabian - dünya çempionatının qalibi (sinxron cütlük proqramı), gümüş
(sinxron cütlük proqramı) və bürünc (komanda hesabı) mükafatçısı;
Portuqaliya:
Abreu Dioqo - dünya çempionatının qalibi (komanda hesabı), ikiqat gümüş
(sinxron cütlük proqramı, komanda çoxnövçülüyü) və bürünc (komanda
çoxnövçülüyü), Avropa çempionatının dördqat gümüş (sinxron cütlük proqramı,
üçqat komanda hesabı), ikiqat bürünc (sinxron cütlük proqramı, komanda hesabı)
mükafatçısı;
Santoş Lukas - dünya çempionatının qalibi (komanda hesabı);
Fereyra Pedro - Gənclər arasında Yay Olimpiya Oyunlarının (Nankin) bürünc
mükafatçısı, dünya çempionatının qızıl (komanda hesabı), gümüş (sinxron cütlük
proqramı) və bürünc mükafatçısı (ikiqat komanda çoxnövçülüyü);

Ukrayna:
Davıdenko Anton - Avropa Oyunlarının (Minsk) gümüş (sinxron cütlük
proqramı), Avropa çempionatının ikiqat bürünc (fərdi çıxış və komanda hesabı)
mükafatçısı;
Prostorov Mikola - Ümumdünya Oyunlarının (Polşa) gümüş (sinxron cütlük
proqramı) mükafatçısı;
Malkova Svitlana - Ümumdünya Oyunlarının (Polşa) qalibi (sinxron cütlük
proqramı), Avropa Oyunlarının (Minsk) gümüş (sinxron cütlük proqramı), Avropa
çempionatıın bürünc (sinxron cütlük proqramı) mükafatçısı;

ABŞ
Ramaççi Zakari - dünya çempionatının gümüş mükafatçısı (komanda
çoxnövçülüyü);
Stivens Jessika - dünya çempionatının gümüş mükafatçısı (komanda
çoxnövçülüyü);
Van Natta Triniti - dünya çempionatının üçqat qalibi (komanda hesabında ikili
mini-batut proqramı), gümüş (fərdi, komanda hesabında ikili mini-batut proqramı,
komanda çoxnövçülüyü) və bürünc (komanda hesabında ikili mini-batut proqramı)
mükafatçısı;

Yarışlar haqqında ətraflı məlumat federasiyanın rəsmi internet səhifəsində mütəmadi olaraq yenilənəcək.
Batut üzrə Dünya kuboku zamanı idmançıların maraqlı və rəngarəng performanslarını izləmək istəyən tamaşaçılar biletləri onlayn qaydada https://iticket.az/ saytından və şəhərin kassalarından əldə edə bilərlər. Biletlərin qiyməti təsnifat yarışlarına 7, final mərhələlərinə isə 10 manat təşkil edir.
Yarışların başlama vaxtı:
18 fevral - 12:00
19 fevral - 12:00

Məkan: Milli Gimnastika Arenası
Telefon: (+994 12/51) 566-96-99
Ünvan: Bakı, H.Əliyev pr., 178
Keçid: “Koroğlu” metro stansiyası