Azərbaycan Gimnastika Federasiyası beynəlxalq yarışlar mövsümünə Batut Gimnastikası üzrə Dünya kuboku yarışı ilə start verir. Fevralın 12-13-də Milli Gimnastika Arenasında keçiriləcək yarışda 13 ölkədən 63 idmançının iştirakı gözlənilir. Dünya kubokuna qatılmaq məqsədilə ölkəmizə səfər edəcək batutçular iki yarış  günü ərzində Beynəlxalq Gimnastika Federasiyasının yeni qaydaları əsasında mübarizə aparacaqlar. Yarışların ilk günü təsnifat mərhələsi, ikinci günü isə kişilər arasında ikinci təsnifat və final mərhələləri (kişilər və qadınlar) keçiriləcək. Qeyd edək ki, qədəm qoyduğumuz yeni Olimpiya dövründə batut gimnastikası üzrə yarışlarda təsnifat mərhələsində 31-dən artıq iştirakçı olduqda ikinci təsnifat mərhələsi keçirilir. Yarışların miqyası və iştirakçıların sayından asılı olaraq ikinci təsnifatda müvafiq olaraq 16 və ya 24 iştirakçı olur. 

Azərbaycanı bu yarışda yığma komandanın üzvü Selcan Mahsudova təmsil edəcək. 

Qeyd edək ki, batut gimnastikası Azərbaycanda 2013-cü ilin sonundan inkişaf etməyə başlayıb. Bu növ üzrə Dünya Kuboku Bakıda artıq beşinci dəfədir ki, təşkil olunur.  

Budəfəki Dünya kubokunun iştirakçıları arasında Belarus təmsilçiləri, Rio-2016 Yay Olimpiya Oyunlarının qızıl medalçısı, ikiqat Avropa çempionu, Avropa Oyunlarının qalibi, dünya çempionu Vladislav Qonçarov, Tokio-2020 Yay Olimpiya Oyunlarının qalibi İvan Litvinoviç, 5 qat dünya və 5 qat Avropa çempionu Oleq Ryabtsov, Rusiya təmsilçisi, dünya çempionatının gümüş mükafatçısı (2021-ci il), Avropa çempionu (2021-ci il) Yana Lebedeva, İsveç təmsilçisi, üç qat dünya və Avropa çempionu Lina Sjoberq, Avstriya təmsilçisi, yeniyetmələr arasında Olimpiya Oyunlarının bürünc mükafatçısı Benni Vizani, Gürcüstan təmsilçisi, Avropa Oyunlarının gümüş mükafatçısı Qolovina Lyuba də yer alıblar. 

Qeyd edək ki, idmansevərlər batut ulduzlarının təqdimatında maraqlı mübarizəni İdman TV kanalı vasitəsilə canlı izləyə biləcəklər. 

Yarışların Azərbaycan Respublikası Nazirlər Kabinetinin xüsusi icazəsi ilə ölkəmizdə tətbiq edilən mövcud karantin qaydalarına və sanitar-epidemioloji tələblərə uyğun olaraq və tamaşaçı iştirakı olmadan keçirilməsi planlaşdırılır.  

Yarışlar haqqında ətraflı məlumat federasiyanın rəsmi internet səhifəsində mütəmadi olaraq yenilənəcək. 

Yarışın dəvətnaməsi

İşçi plan

İşçi planın əlavələri

Yarış zalının sxemi

COVID-19 PANDEMİYASI dövründə beynəlxalq yarışlar zamanı AGF-nin TƏHLÜKƏSİZLİK PROSEDURU

YARDIM KİTABÇASI

Yarışların cədvəli

Ətraflı yarış cədvəli

Məşq cədvəli

İştirakçıların siyahısı

Çıxış ardıcıllığı

Çıxış ardıcıllığı - 13 fevral

Nəticələr

Nəticələr - Final