AZE
İdman gimnastikadan başlayır

Müsahibə

Arxiv

İsrail komandasının məşqçisi: Milli Gimnastika Arenasında dünyanın ən gözəl şəraiti yaradılıb

23.01.2020

İsrailin bədii gimnastika üzrə yığma komandasının məşqçisi Milli Gimnastika Arenasında bədii gimnastika üzrə İsrail milli komandasının təlim-məşq toplanışı keçdiyini bildirib. Toplanışda həm böyük, həm də gənc gimnastlar iştirak edir.

Məşqçi Ayelet Zussman qeyd edib ki, onların Milli Gimnastika Arenasında məşq etmək və yarışmaq İsrail gimnastlarının çox xoşlarına gəlir:

“Çünki burada başqa heç yerdə görmədiyimiz ən yaxşı şərait yaradılıb. İsrail komandasının təlim-məşq toplanışı bir həftə davam edəcək, sonra biz Dünya kubokunda iştirak etmək üçün yenidən buraya qayıdacağıq. Bakıda məşq etməkdən xoşumuz gəlir, burada həmişə gözəl, ailəvi mühit hökm sürür. Burada yarışlar yüksək səviyyədə keçirilir. Göstərilən kömək və dəstəyə görə Azərbaycan komandasına və xüsusilə də Azərbaycan milli komandasının baş məşqçisi Mariana Vasilevaya dərindən təşəkkür edirik”.